BANC ADNODDAU

Croeso i Fanc Adnoddau Bwrdd Iechyd Prifysgol Aneurin Bevan. Mae’r Banc Adnoddau yn wasanaeth integredig sy’n darparu staff i’r meysydd canlynol:

• Nyrsio
• Meddygol
• Cyfleusterau
• Gwasanaethau yn y Gymuned
• Deieteg
• Awdioleg
• Clerigol

Mae’r Banc Adnoddau yn darparu staff ar gyfer 200 o sifftiau y dydd ar gyfartaledd. Trefnwch apwyntiad cyn mynd i swyddfeydd y Banc.

MANTEISION GWEITHIO I'R BANC ADNODDAU

Mae llawer o gyfleoedd mewn nifer o feysydd ar Wardiau Cymunedol, Is-adrannau Gofal wedi’i Drefnu a Gofal heb ei Drefnu, Iechyd Meddwl ac Anabledd Dysgu ar bob safle ysbyty/lleoliadau ar draws y Bwrdd Iechyd Prifysgol (yn cynnwys De-orllewin Cymru).

Rydym yn gofalu am ein cleifion 7 diwrnod yr wythnos, 24 awr y dydd felly bydd angen bod gennych yr hyblygrwydd i weithio sifftiau yn ystod y nos a dros y penwythnos.

Gall y Banc Adnoddau fod yn ddelfrydol i CHI:

• Os nad ydych yn gallu ymrwymo i swydd barhaol at hyn o bryd?
• Os yw ymrwymiadau teuluol neu eraill yn eich rhwystro rhag gweithio’n llawn amser neu mewn patrwm rheolaidd?
• Os ydych chi eisiau cynnal eich sgiliau proffesiynol?
• Os hoffech gael profiad mewn meysydd newydd?

Manteision Gweithio i’r Banc:

• Oriau gweithio hyblyg
• Pensiwn
• Tâl wythnosol
• Datblygiad a Phrofiad mewn nifer o feysydd
• Gwyliau Blynyddol Ychwanegol

Gwaith ar gael mewn lleoliadau amrywiol a diddorol.

BETH YW LOCWM ACHLYSUROL?

Mae locwm achlysurol yn feddyg sy’n dymuno gweithio sifftiau ar sail achlysurol. Fodd bynnag, cyn dechrau fel locwm achlysurol, bydd angen i chi lenwi ffurflen gais a chael gwiriadau cyn cyflogi.

Sut i ymuno fel Locwm Achlysurol

Bydd angen i chi lenwi’r ffurflen gais a’i hanfon at y cyfeiriad e-bost ar y ffurflen. Pan fydd y ffurflen yn dod i law’r Adran Recriwtio Meddygol byddant yn anfon y dogfennau y mae angen eu llenwi a’u clirio cyn i chi ddechrau unrhyw sifftiau achlysurol.

Os na ddilynir y broses hon, bydd oedi o ran talu am unrhyw sifftiau a weithiwyd.

I gael rhagor o wybodaeth ynghylch polisïau adleoli, ewch i Recriwtio Meddygol.

Ym Mwrdd Iechyd Prifysgol Aneurin Bevan mae gennym amrywiaeth eang o swyddogaethau, o Wasanaethau Gwyddoniaeth Iechyd, Gweinyddiaeth a Gweithwyr Proffesiynol Perthynol. I gael gwybodaeth ynghylch y swyddogaethau hyn, cliciwch ar y blychau gwybodaeth isod.